मलेसिया जाने श्रमिकको मागपत्र कार्यान्वयन गर्न ३ महिना थप

२० जेठ, काठमाडौं । मलेसियामा कामदार पठाउन म्यानपावर कम्पनीले ल्याएको मागपत्रको म्याद तीन महिना थप भएको छ ।

श्रम, रोजगार तथा सामाजिक सुरक्षामन्त्री कृष्णकुमार श्रेष्ठले मन्त्रिस्तरीय निर्णय गरी वैदेशिक रोजगारीमा जाने नेपाली श्रमिकको मागपत्र प्रमाणित भई पूर्वस्वीकृति लिइसकेका तर २१ जेठमा म्याद सकिने मागपत्रको म्याद तीन महिना थप गरेका हुन् ।

कोभिड-१९ महामारीका कारण मलेसिया सरकारले प्रमाणिकरणको म्याद एक वर्ष थप गरेको र भिसा आउन समय लाग्ने भएकोले आगामी २२ भदौसम्मका लागि म्याद थप गरेको थियो ।

लकडाउनअघि म्यानपावर कम्पनीले कामदार आपूर्ति गर्न ल्याएको मागपत्रको म्याद ६ महिना थपिएको थियो ।

News Source:Online Khabar